بیرلشکن ملتلر تشکیلاتی نینگ ایکینچیلیک و آزیق-آوقت اداره‌سی، ینه بیربار افغانستان اینقسه بو مملکت نینگ شمالی ولایتلری گواهی بۉلیب تورگن، قورغاقچیلیک وضعیتدن آگاه‌لنتیردی.
ایکینچیلیک و آزیق-آوقت تشکیلاتی تامانیدن بوگون سه‌شنبه ۲۴ – سرطان، نشر اېتیلگن حساباتده، قورغاقچیلیک افغانستان ولایتلری جمله‌سیدن ۱۹ ولایت‌نی جدی زیان‌لنتیرگنی معلوم قیلینگن.
مذکور تشکیلات حساباتیده، بو ولایتلر جمله‌سیدن، فاریاب احوالی آغیر کۉرسه‌تیلگن.
بو حقده نشر اېتیلگن حساباتده کېلیشیچه «قورغاقچیلیک افغانستان‌ده جدی‌لشیب، ۱۹ ولایت‌نی تاثیرلنتیرگن. شمالی حدودلر کۉپ زیان کۉرگن. ایکینچیلیک محصولاتلری یۉق اېتیلیشی، تیپه‌لیکلر و سوو منبع‌لری نینگ قوریشی، قیشلاقده‌گی حیات‌لرنی قوله‌شگه یقین‌لشتیرگن.»
شونینگدېک بیرلشکن ملتلر تشکیلاتی، بو وضعیت برابریده کینگ مقیاسده چاره کۉریش اوچون وقت آزلیگینی هم تاکیدلگن.
ایتیش کېره‌ک که بیرلشکن ملتلر تشکیلاتی بوندن ایلگری هم، نشر قیلگن بیر نیچه حساباتده بو خصوصده خواطر بیلدیرگن اېدی.
