خلق‌ارا یېتکیرمه‌لر، بریتانیادن توریب فعالیت قیلیب کېله‌یاتکن سوریه انسان حقلری تشکیلاتی نشر قیلگن معلومات‌لرگه ته‌ینیب گزارش بیریشیچه، سوریه‌ده ناتینچ‌لیکلر عاقبتیده یوزلرچه کیشی اۉلیب و یره‌لنگن.
بو حقده نشر اېتیلگن خبرلرگه کۉره، سوریه سونگی کونلر ایچیده گواهی بۉلگن ناتینچ‌لیکلرده، کمیده ۳۵۰ کیشی جان بېرگن.
سوریه‌ده قربان بۉلگن بو کیشی‌لر ایچیده ۱۵ حربی هم شامل دیر که اۉتگن کون اسراییل هجوملری نتیجه‌سیده، قربان بۉلدی‌لر.
بو بیلن سوریه نینگ ایچکی ایشلر و مدافعه وزیرلیکلری حربی‌لریدن ۱۸۹ کیشی اسراییل هجوملری و ایچکی تۉقنه‌شوولرده جان بېرگن.
عینی حالده، سوریه‌ده بو مملکت وقتینچه‌لیک حکومتی‌گه قرشی گروه‌لر جنگری‌لریدن ۹۷ کیشی جان بېرگن همده بو ناتینچ‌لیکلرده ۵۵ تینچ اهالی هم قربان بۉلگن.
ایتیش کېره‌ک که سوریه‌ده سونگی کونلر ایچیده، ایچکی تۉقنه‌شوولر جدی‌لشگن و بو وضعیت دوامی‌ده اسراییل هم اۉتگن کون سوریه‌گه هجوم اۉیوشتیردی.
