امریکا قوشمه ایالتلری نینگ جمهور باشلیغی دونالد ترامپ، بو مملکت تامانیدن بریکس تشکیلاتی اعضالریگه ۱۰ فایزلیک باج سالیغی جاری اېتیلگنی تاثیر قویگنینی اعلام قیلدی.
امریکا قوشمه ایالتلری جمهورلیک ریاست سرایی یا ده «آق‌سرای»ده دیجیتال پوللرنی ترتیب‌گه سالیش قانونینی امضالش چاغیده نطق سۉزله‌گن دونالد ترامپ، بریکس اعضالری امریکا تهدیدی‌دن کېین قوله‌شگه یقین‌لگنینی ادعا قیلدی.
دونالد ترامپ نینگ ادعا قیلیشیچه، او تامانیدن بریکس اعضالریگه ۱۰ فایزلیک باج اعلام قیلینگندن کېین، بو تشکیلات نینگ سونگی ییغینی‌ده، تشکیلات اعضالری کېلیشگه تیار بۉلمه‌گن.
شونینگدېک امریکا جمهور باشلیغی دالرنی قدرسیز بۉلیشی‌گه یۉل قویمس‌لیگینی هم معلوم قیلدی.
دونالد ترامپ، بو حقده امریکا سابق جمهور باشلیغی جوبایدن سیاست‌لرینی هم قتتیق تنقید قیلدی.
ایتیش کېره‌ک که چین، روسیه و هندوستان اعضاسی بۉلگن بریکس تشکیلاتی، خلق‌ارا مالی بازارلرده دالر ارزش‌نی آزه‌یتیریش مقصدیده ایجاد اېتیلگن و سونگی ییغینی هم برازیل‌ده اۉتکزیلدی.
برازیل‌ده اۉتکزیلگن بریکس تشکیلاتی دولت رهبرلری ییغینی‌ده، روسیه و چین دولت رهبرلری اشتراک قیلگن اېمس.
