طالبان نینگ قاچقین‌لر و قیتگن‌لر ایشلری بۉییچه وزیرلیگی نینگ اعلام قیلیشیچه، بیرلشکن ملتلر تشکیلاتی قاچقین‌لر بۉییچه عالی کمیساری فیلیپو گراندی، رسمی بیر سفر بیلن کابل کېلگن.
ایتیلیشیچه، فیلیپو گراندی افغانستان‌گه قیتریلگن مهاجرلر احوالینی تیکشیریش و اولرگه ییتیشیش یۉللرینی محاکمه قیلیش مقصدیده کابل‌گه سفر قیلگن.
بیرلشکن ملتلر تشکیلاتی یوقاری مرتبه‌لی بو رسمی‌سی، بو سفری دوامی‌ده طالبان رسمی‌لری بیلن هم اوچرهشیب، مهاجرلر احوالی خصوصیده صحبت قیلیشی ریجه‌لشتیریلگن.
شونینگدېک فیلیپو گراندی ایران‌دن قیتریلگن مهاجرلر احوالینی تیکشیریش مقصدیده، هرات ولایتی‌گه سفر قیلیشی هم معلوم قیلینگن.
بیرلشکن ملتلر تشکیلاتی بو مقامی شوندی بیرحالده افغانستان‌گه سفر قیلماقده دیر که اخیرگی وقتلر ایچیده، ایران حکومتی افغانستان‌لیک مهاجرلرنی چیقاریش جریانینی جدی‌لشتیرگن.
