غزه مدنی مدافع آژانسی بوگون شنبه، ۲۸- سرطان بېرگن بیاناتی‌گه کۉره، اسرائیل غزهدهگی ایککی یاردم مرکزی یقینیده عمل‌گه آشیرگن هجوملری نتیجه‌سیده، ۲۶ کیشی فلسطین‌لیک هلاک بۉلیب و ۱۰۰ دن آرتیق کیشی یره‌لنگن.
اوشبو آژانس سۉزلاووچی‌سی محمود باسل، فرانسه اخباراتی‌گه بېرگن بیاناتیده بوحقده ایتیشیچه، خان یونس حدودی یقینیده ۲۲ کیشی و رفح یقینیده ۴ کیشی اۉلدیریلگن.
اونینگ ایتیشیچه، بو تلفات‌لرگه “اسرائیل تمانیدن اۉق آتیلیشی” سبب بۉلگن. لېکن اسرائیل حربی‌لری، حاضرگچه بو تۉغریده هېچ قنده‌ی ایضاح بېرمه‌گن.
ایتیش کېره‌ک که سونگی وقتلرده، اسرائیل نینگ هجوملری جدی‌لشیب، فلسطین عادی اهالیسی‌دن قربان‌لیک آلماقده دیر.
بو هجوملر شوندی بیرحالده دیر که یقین‌ده، اسرائیل و حماس اۉرته‌سیده‌گی آتیش-کېسین سۉزلشوولری هم نتیجه‌سیز یکونلندی.
