هرات ولایتیده طالبان محلی رسمی‌لری نشر قیلگن معلومات‌گه کۉره، اۉتگن بیر آی ایچیده، کمیده ۹۵ افغانستان‌لیک مهاجرنینگ جسدی ایران‌دن مملکت‌گه قیتریلگن.
اسلام قلعه چیگره‌سیده، طالبان محلی رسمی‌لریدن عبدالله قیومی اۉتکزگن خبری بیر ییغین‌ده، بو حقده معلومات بېرگن.
ایتیلیشیچه، افغانستان‌لیک بو مهاجرلردن کۉپینچه‌سی ترافیکی حادثه‌لر و بلند بنالردن توشیب کېتیشی عاقبتیده جان بېرگن.
شونینگدېک بو مهاجرلر ایچیده بیر کیشی هم اسراییل هجوملری نتیجه‌سیده جان بېرگن اېکن که جسدی آلیب کېلینگن.
ایتیش کېره‌ک که اخیرگی وقتلر ایچیده، ایران حکومتی یوز مینگ‌لب افغانستان‌لیک مهاجرنی بو مملکت‌دن چیقاردی.
ایران تامانیدن چیقاریلگن مهاجرلر آره‌سیده ناگران‌لر و جسدلر هم بارلیگی معلوم قیلینگن اېدی.
