خلق‌ارا یېتکیرمه‌لرنینگ گزارش بیریشیچه، روسیه و اوکراین وکیللری جاری هفته ایچیده استانبول میزبان‌لیگیده، اوکراین اوروشی حقیده مذاکره اۉتکزه‌دیلر.
اوکراین جمهور باشلیغی ولادیمیر زیلینسکی، اۉزی نینگ تلگرام کانالی‌ده یازگن بیاناتیده، بو اوچره‌شوو بۉلیب اۉتیشینی تصدیق‌لگن.
ایتیلیشیچه اوکراین تامانیدن بو اوچره‌شووده، بو مملکت سابق مدافعه وزیری رستم عمروف باشچیلیگیده بیر هیات، اشتراک اېته‌دی.
بو اوچره‌شوو شوندی بیرحالده اۉتکزیلماقده دیر که روسیه نینگ اوکراین‌گه قرشی هجوملری سونگی کونلر ایچیده جدی‌لشگن.
شونینگدېک روسیه و اوکراین وکیللری بوندن ایلگری هم بیر نیچه مراتبه اوچره‌شوو اۉتکزگن. بیراق بو اوچره‌شوولر هلی‌گچه اوکراین اوروشی یکونلنیشی خصوصیده ایجابی نتیجه‌گه ایریشمه‌گن.
