طالبان نینگ فاریاب ولایتیده‌گی خوفسیزلیک قومندان‌لیگی، بو ولایت مرکزی میمنه شهری‌دن آلتی کیشی ناقانونی قورال آلیب یوریش و مخدره ماده‌لردن فایده‌لنیش‌ده عیب‌لنیب، حبسگه آلینگنینی اعلام قیلدی.
فاریاب خوفسیزلیک قومندان‌لیگی، بو گون چهارشنبه ۱ – اسد کونی نشر قیلگن بیاناتیده، بو شخص‌لر اۉتگن کېچه ایکی علیحده عملیات نتیجه‌سیده، قۉلگه آلینگنینی معلوم قیلدی.
طالبان بو شخص‌لرنی، میمنه شهری ایکینچی و اوچینچی خوفسیزلیک حوزه‌لری حدودلریدن قۉلگه الگن.
طالبان نینگ ادعا قیلیشیچه، بو شخص‌لر یانی‌دن قورال، توققیز مینگ افغانی‌دن کۉپراق پول و مخدره ماده هم قۉلگه کېلگن.
