طالبان تشقی ایشلر وزیرلیگی نینگ سرپرستی امیرخان متقی، بوگون چهارشنبه کابلده اۉتکزیلگن خبری ییغین‌ده اشتراک اېتیب، بو حاکمیت نینگ تشقی سیاستی خصوصیده معلومات بېردی.
امیرخان متقی نینگ اعلام قیلیشیچه، بو حاکمیت نینگ دیپلوماتیک مناسبت‌لری، اۉزبېکستان، تورکیه، چین، بیرلشکن عرب امیرلیگی، روسیه و پاکستان بیلن ایلچی سطحی‌گه کوتاریلگن.
بونگه قوشیمچه، یوزدن آرتیق طالبان هیات‌لری نینگ تورلی مملکتلرگه سفری اوچون قوله‌یلیک یره‌تیلیشی، قونسولی خذمت‌لر دوامی و بیر قنچه مملکتلر تامانیدن طالبان آتی ترورچیلیک قاره رویخطی‌دن چیقاریلیشی، بو حاکمیت تشقی سیاستی‌ده‌گی یوتوق‌لر اوله‌راق بیان بۉلیندی.
شو بیلن بیرگه طالبان تشقی ایشلر وزیرلیگی سرپرستی، مملکتلردن بو حاکمیت بیلن مناسبت‌لرینی کوچه‌یتیریش‌لرینی سۉره‌دی.
طالبان شوندی بیرحالده مملکتلر بیلن مناسبت‌لرینی کوچه‌یتیریش‌نی سۉره‌ماقده دیر که بو حاکمیت یقین تۉرت ییل‌دن بیری، یالغیز روسیه تامانیدن رسمیت‌گه تَن آلینگن.
شونینگدېک طالبان حاکمیتی شوندی بیرحالده دوام اېتماقده دیر که افغانستان خلق‌ارا هم‌جمعیتی تامانیدن انزواگه تارتیلگن و حاضر ناانیق بیر سیاسی کېله‌جک بیلن یوز مه یوز دیر.
