بوکون : شنبه 8 سنبله 1404

Kabul
+10...+17° C

بوکون : شنبه 8 سنبله 1404

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

ساغلیق خذمت‌لری آزلیگی؛ قندوز تومن‌لری اهالیسی نینگ اساسی معماسی

قندوز ولایتی چیککه حدودلری و تومن‌لری اهالیسی ساغلیق خذمت‌لری ییترلیچه بۉلمه‌گنیدن شکایت قیله‌دیلر.

قندوز شهریده‌گی خصوصی و دولتی ساغلیق مرکزلریده، دوالنیش‌نی کوتیب تورگن بو اهالی‌دن کۉپینچه‌سی بو ولایت تومن‌لری و چیککه حدودلریدن کېلگن اهالی‌دیر.

شو عیاللردن بیری بصیره، یشه‌یاتکن حدودیده ساغلیق خذمت‌لریگه قۉل تاپه آلمس‌لیگی باعث بیراز اوزاق مصافه‌دن قندوز شهری‌گه کېلیب، شفاکارگه مراجعه قیله‌یاتکنینی اَیته‌دی.

اوچ فرزندنینگ آنه‌سی بولگن بو عیال اۉزبېک تی‌وی گه ایتیشیچه “بیزگه اینگ یقین کلینیک یریم ساعت‌لیک اوزاق‌لیکده دیر. عیاللر کۉپ عذاب‌ده قاله‌دیلر کسل بۉلگنده، وو ییرده دارو هم یۉق کلینیک‌گه بارگنیمیزده دارولرنی هم تشقری‌لردن ساتیب آلیش‌میز کېره‌ک بۉله‌دی.”

خودی شوندی لطف الله هم اوزاق یۉللرنی یوریب، ساغلیق خذمت‌لریگه قۉل تاپیش اوچون قندوز شهری‌گه کسل آلیب کېلگن بو ولایت ینه بیر اهالیسی دیر. گل‌تپه تومنی‌دن کېلگن لطف الله یشه‌یاتکن حدودده ساغلیق خذمت‌لری یۉق‌لیگی حقیده بوندی دېدی “او ییرده قابله و شفاکار یۉق دیر که بولرگه یخشی قره‌ب دوالسه، شو اوچون کسل‌میزنی بوییرگه آلیب کېلدیک که یخشی قره‌یدی دېب.”

قندوز شهریده‌گی کسلخانه‌لر ایشلاوچیلری هم تومن‌لرده، کسللر ناتۉغری دوالنیش و کسللیک‌لری انیق‌لنیشینی ایته‌دی.

قندوز شهری کسلخانه‌لریدن بیری‌ده فعالیت قیلیب کېله‌یاتکن عظیمه مرادی نینگ بو حقده اۉزېېک تیلویزونی‌گه ایتیشیچه “تومن‌لردن کۉپلب واقعه‌لر بو ییرگه کېله‌دی که اولرگه ییتیشیلمه‌گن. بو ییرده کېلگن کسللرنی کۉپینچه اولسواللیکلرده‌گی کلینیک ناتۉغری هم تشخیص قیلگن.”

بونگه قوشیمچه، قندوز شهری‌ده‌گی کسلخانه‌لر و داروخانه‌لر مسووللری هم اولرگه کېله‌یاتکن کۉپلب کسللر هم تومن‌لر و چیککه حدودلر اهالیسی بۉلگنینی ایته‌دیلر.

افغانستان‌گه کۉرسه‌تیلگن انسان‌پرورلیک و خلق‌ارا یاردملرنینگ کۉپینچه‌سی ساغلیق بۉلیمی‌گه قره‌تیلگن. بیراق هلی‌گچه اهالی ییترلیچه ساغلیق خذمت‌لریگه قۉل تاپیش‌گه قادر اېمس.

شریک قیلینگ

Related Posts

Add New Playlist