طالبان نینگ کانلر و پترولیم وزیرلیگی رسمیلری بوگون پنجشنبه ۲ – اسد، دولتی ادارهلر حسابات بېریش دستوری دایرهسیده اۉتکزگن خبری ییغینیده، جوزجان ولایتی نینگ «یتیمتاق» کانیده ۷ قودوق قازیلیب، فعال بۉلگنینی اعلام قیلدی.
طالبان کانلر و پترولیم وزیرلیگی رسمیلری نینگ معلوماتیگه کۉره، اوشبو قودوقلردن هر کونی ۱۰۰ متر مکعب گاز ایشلب چیقاریلهدی.
شونینگدېک طالبان بو وزیرلیگی رسمیلری، شبرغاندن مزارشریفگه گاز انتقال بېریش لایحهسی هم یکونلنگنینی معلوم قیلیب، بو لایحه هر کونی ۱.۵ میلیون متر مکعب گاز انتقال بېریش ظرفیتگه ایگه دېب بیلدیردی.
عینی حالده، طالبان کانلر و پترولیم وزیرلیگی نینگ اعلام قیلیشیچه، بو گروه حاکمیتگه قیتگنیدن بیری ۷.۵ میلیارد افغانی ارزشیگه ۲۸ ییریک کاننی ایشلب چیقاریش بۉییچه ایچکی و چیتایللیک کمپنیهلر بیلن شرطنامه امضالنگنینی هم معلوم قیلدی.
دیمک طالبان حاکمیتگه قیتگنیدن بیری، دولت بودجهلرینی تامینلش اوچون افغانستان کانلری و ییر آستی بارلیکلریگه یوز کېلتیرگن.
طالبان جوزجان شامل تورکستان و قطغن نینگ باشقه حدودلریدهگی کانلرنی شوندی بیرحالده قازیشنی جدیلشتیرگن که بو کانلر درآمدلری اوشبو ولایتلر رواجی اوچون اونچهلیک اجرهتیلمهگن.
