طالبان‌نینگ لغمان ولایتیده‌گی خوفسیزلیک قومندان‌لیگی معلوم قیلیشیچه، اوشبو ولایت‌نینگ «قرغه‌ی» تومنیده سوو قودوغی اوستیده، ایکی عایله اۉرته‌سیده چیققن جنجل نتیجه سیده بیر عیال اۉلیب، اوچ کیشی، جمله دن ینه بیر عیال یره‌لنگن.
طالبان‌نینگ لغمانده‌گی خوفسیزلیک قومندان‌لیگی سۉزلاوچیسی محمد یونس یوسفی ایتیشیچه، واقعه چهارشنبه کونی ۱- اسد قرغه‌ی تومنی‌نینگ «عبدالرحیم‌زی» قیشلاغیده صادر بۉلگن.
اونینگ ایتیشیچه، دستلب اوشبو ایکی عایله نینگ عیال سوو قودوغی اوستیده بحث‌لشگن، کېینچه‌لیک ایکی تمان بیرــ بیرینی اۉققه توتکن.
محلی منبعلرنینگ ایتیشیچه، اوشبو واقعه ده اشتراک اېتگن بیر نېچه‌ته شخص حبسگه آلینگن، قالگنلری اېسه حادثه جاییدن قاچیب کېتگن.
سۉنگی ییللرده افغانستان اقلیم اوزگریشلری طفیلی، مملکت کوچلی قورغاقچیلیک بیلن دوچ کېلماقده. بو اېسه یېر آستی سوولرنینگ کمییشیگه و ایچیملیک سوویگه قۉل تاپیش‌نی قیینلشتیرگن.
