جوزجان مرکزی شبرغان شهری‌دن محلی منبع‌لر معلوماتی‌گه کۉره، بو شهرده ایکی کیشی، ناتانیش قورالی شخص‌لر آرقه‌لی اۉلدیریلگن.
ایتیلیشیچه، قورالی شخص‌لر شبرغان شهری نینگ حاجی امین منطقه‌سیده ایکی کیشی‌نی اۉققه توتیب اۉلدیرگن.
واقعه بو کېچه پنجشنبه ۲ – اسد ساعت ۱۰:۰۰ اطرافیده یوز بېرگن و واقعه قربان‌لری ایکی یاش-ییگیت بۉلگنی ایتیماقده.
حاضرگه قدر بو شخص‌لر کیم‌لیگی حقیده انیق معلومات یۉق و اۉزبېک تی‌وی هم بو موضوع‌نی مستقل منبع‌لر آرقه‌لی تیکشیرماقده. بیراق حاضرگچه تۉلیق معلومات قۉلگه کېلگن اېمس.
شونینگدېک قورالی شخص‌لر، شبرغان بو یشاوچیلرینی نیمه سبب اۉلدیریب کېتگنی هم هلی‌گچه بیللی اېمس دیر.
ایتیش کېره‌ک که سونگی وقتلرده، بو کبی واقعه‌لر سانی کۉپه‌ییب اهالی‌دن قربان‌لیک آلماقده. بو واقعه‌لر قربان‌لری نینگ کۉپینچه‌سی هم سابق حکومت حربی‌لری دیر.
طالبان حاکمیتیده، بو ناتینچ‌لیکلر شوندی بیرحالده یوز بېرماقده دیر که بو حاکمیت افغانستان‌ده، خوفسیزلیک‌نی یخشی‌لب تامین‌لگنینی ادعا قیلیب کېلماقده.
