جوزجان ولایتی مرکزی شبرغان شهریدن محلی منبع‌لر اۉزبېک تی‌وی گه تصدیق‌لشیچه، اۉتگن پنجشنبه ۲ – اسد کېچه‌سی، بو شهر نینگ حاجی امین منطقه‌سیده ناتانیش قورالی شخص‌لر تامانیدن اۉلدیریلگن کیشی‌لردن بیرته‌سی، سابق حکومت حربی‌لریدن اېکن.
ایتیلیشیچه تاش محمد ناملی بو ییگیت، سابق حکومت دوری‌ده بیر مدت خوفسیزلیک اداره‌سیده ایش‌لگن. تاش محمد سابق حکومت قوله‌شیدن کېین ایران کېتیب، ۸ آی ایلگری ایران‌دن چیقاریلیب، جوزجان‌گه قیتیب کېلگن اېکن.
تاش محمد یقین‌لری نینگ ایتیشیچه، بو ییگیت تیز آره‌ده توی قیلیش‌نی تیارگرلیک کۉرماقده اېدی که ناتانیش قورالی شخص‌لر تامانیدن اۉلدیریله‌دی.
جوزجان‌لیک بو ییگیت ایران‌دن کېلگنیدن بیری شبرغان شهری‌ده، قصابلیک بیلن بند بۉلگنینی معلوم قیله‌دی. تاش محمد نینگ یقین‌لری.
جوزجان‌لیک بو ییگیت و ایناغه‌سی، اۉتگن پنجشنبه کېچه ایش‌دن اوی‌گه قیتیب کېله‌یاتکنلریده، قورالی شخص‌لر بیلن دوچ کېله‌دیلر و اولرنی اۉققه توتیب اۉلدیره‌دی.
تاش محمد و ایناغه‌سی، ایش‌دن اوی‌گه قیتیب کېله‌یاتکنده، قورالی شخص‌لر ایکی موتر سایکل بیلن یۉللرینی توسیب اولرنی اۉققه توته‌دی. باشیگه اۉق تیککن تاش محمد درحال جان بېره‌دی. ایناغه‌سی اېسه یریم جان مزارشریف‌گه انتقال بېریلیب کسلخانه‌ده جان بېره‌دی.
ایتیش کېره‌ک که سۉنگی وقتلرده، افغانستان اینقسه جوزجان و فاریاب‌ده سابق حکومت حربی‌لری اۉلدیریلیشی جدی‌لشگن.
