طالبان قماقخانه‌سیده اسیر سقلنیب کېله‌یاتکن بیر عیال، افغانستان ملی اسلامی جنبش حزبی رهبری مارشال عبدالرشید دوستم‌گه آچیق مکتوب یازیب، افغانستان‌ده عیاللر گواهی بۉلیب تورگن آغیر احوال برابریده، طالبان‌گه قرشی کوره‌شیشینی طلب قیلگن.
طالبان اسیری بۉلمیش بو عیال، مارشال عبدالرشید دوستم اوزاق ییللر دوامی‌ده قیلگن کوره‌شیش‌لریدن اېسلب، طالبان‌گه قرشی ییریک بو سیمانی حاضرگی وضعیتده یالغیز امید بیان قیلگن.
مارشال دوستم‌گه یازیلگن بو مکتوب نینگ بیر بولیمیده کېلیشیچه “مارشال جنابلری، ۴۵ ییل دیر که آتینگیز افغانستان نینگ تاغلری دیک قلب‌میزده حک بۉلگن. ۴۵ ییل دیر که آتینگیز بو توپراق یاولرینی لرزه‌گه سالگن و پاکستان و انگلستان نوکرلری اراده‌ینگیز برابریده ییقیلگن.“
طالبان قماقخانه‌سیده‌گی بو عیال، حاضر افغانستان‌ده خاتین-قیزلر احوالی آغیر بۉلگنی و اولر هر کونی کلتک‌لنیب تورگنیدن اېسلب، بو احوال‌دن چیقیش اوچون یالغیز امید مارشال دوستم‌دن کوتیله‌دی دېب بیلدیرگن.
اسیر بو عیال نینگ یازیشیچه “سیز طالبان کۉزی‌دن قدرت اویقوسینی آلگن ایرکک‌سیز، لیکن بوگون بیزنینگ فریادمیز کونی دیر. وطن پناه‌سیز قیزلری نینگ فریادی آسمان‌لرگه ییتیشگن و سیزدن باشقه بیزگه بیر پناه یۉق دیر.”
کابل‌ده اسیر بۉلگنی اَیتیلگن بو عیال، طالبان حاکمیتی دوریده، خلق ناموسی خوف آستیده دېب، مارشال دوستم‌دن تیزلیک بیلن کوره‌شیشگه توریش‌نی طلب قیلینگن.
