فلسطین اینقسه غزه‌ده اوروش ناانیق بیر کېله‌جک بیلن یوز مه یوز بۉلیب و اسراییل نینگ قانلی هجوملری دوام اېتر اېکن، بیرلشکن ملتلر تشکیلاتی نینگ باش کاتبی آنتونیو گوتریش کېله‌سی هفته بو وضعیت خصوصیده مهم بیر ییغین اۉتکزیلیشینی اعلام قیلدی.
بیرلشکن ملتلر تشکیلاتی نینگ تاکیدلشیچه، بو ییغین فلسطین مساله‌سی و ایکی دولت‌لیک ریجه عملگه آشیریلیشی اوچون مهم آدیم دیر.
بیرلشکن ملتلر تشکیلات باش کاتبی اۉزی نینگ ایکس صحیفه‌سیده نشر قیلگن بیاناتیده یازیشیچه “کېله‌سی هفته اۉتکزیلیشی کوتیلگن یوقاری مرتبه‌لی ییغین، فلسطین مساله‌سی و ایکی دولت‌لیک ریجه عملگه آشیریلیشی اوچون اوته مهم دیر.”
دېیرلی بو ییغین فرانسه و سعودی عربستان سعی و حرکتی بیلن اۉتکزیلیشی معلوم قیلینگن.
ایتیش کېره‌ک که بو ییغین، غزه اوروشی یکونلنیشی مقصدیده بۉلگن مذاکره‌لر موفقیتسیزلیککه اوچره‌گن بیرحالده اۉتکزیلماقده.
