پاکستان پایتختی اسلام آباد شهری، اۉتگن کون شنبه ۴ – اسد، امریکا قوشمه ایالتلری، اۉزبېکستان، قزاقستان، قرغیزستان و تاجیکستان مملکتلری نینگ حربی مقاملری حضوریده‌گی ییغین‌دن میزبان‌لیک قیلگن.
بو حقده نشر اېتیلگن معلومات‌گه کۉره، ییغین‌ده امریکا حربی کوچلری مرکزی قومندان‌لیگی نینگ باشلیغی مایکل کوریلا، پاکستان حربی کوچلری باش قومندان عاصم منیر و شونگه اوخشش باشقه اشتراکچی مملکتلرنینگ هم یوقاری مرتبه‌لی حربی مقاملری اشتراک قیلگن.
بو ییغین‌ده، خوفسیزلیک و ترورچیلیک مساله‌لردن بۉلگن خواطرلر و اونگه قرشی بیرگه‌لیکده کوره‌شیش یۉللری کۉریب چیقیلگن.
شونینگدېک ییغین‌ده اشتراک قیلگن مملکتلر رسمی‌لری، خوفسیزلیک همکارلیکلری اینقسه حربی دیپلوماسی خصوصیده مناسبت‌لر کوچه‌یشیگه تاکید قیلگن.
عینی حالده بو ییغین‌ده، اۉرته آسیا و جنوبی آسیا مملکتلرینی هر وقتدن کۉره کۉپراق ترورچیلیک تهدیدلری بیلن دوچ بۉلگنی اورغوله‌نگن.
بو ییغین شوندی بیرحالده اۉتکزیلماقده دیر که بوندن ایلگری، طالبان حاکمیتی آستیده بۉلگن افغانستان، ترورچیلیک اساسی منبع‌سی اوله‌راق اعلام قیلینیب بو حقده کۉپلب خواطرلر بیان بۉلینگن.
