افغانستان سابق حکومتی چوکاتیده فعال بۉلگن بیر قنچه تورکمن فعاللر و سیمالر «ملی عدالت» نامی آستیده ینگی بیر حزب ایجاد قیلگن.
بو حقده نشر اېتیلگن معلومات‌لرگه کۉره، مذکور سیاسی جریان تبعیدده یشه‌یاتکن تورکمن سیمالر تامانیدن ایجاد اېتیلیب، فعالیت‌گه باشله‌گن.
تورکمن فعاللرنینگ بو سیاسی جریانی، تورکیه نینگ استانبول شهریده اۉتکزیلگن بیر ییغین آرقه‌لی، اۉز فعالیت‌نی اعلام قیلدی.
ایتیلیشیچه بو ییغین‌ده، محمدعیسی مصباح ینگی ایجاد اېتیلگن حزب باشلیغی و الله نظر نظری همده شگوفه فرهنگ اېسه بو حزب اۉرین باسرلری اوله‌راق تانیشتیریلگن.
شونینگدېگ بو حزب‌ده، سابق حکومت کابینه اعضالریدن فیض محمد عثمانی و جماهیر انوری هم حضوری بار دیر.
ایتیش کېره‌ک که افغانستان‌ده، جمهوریت تیزیمی قوله‌شی آرتیدن کۉپلب بوندی سیاسی جریان‌لر فعالیت‌گه باشله‌گن. بیراق حاضرگچه بو جریان‌لردن هیچ بیری افغانستان‌ده جدی بیر اوزگریش کېلیشی اوچون تاثیرلی بۉلگن اېمس.
