ایریم یېتکیرمه‌لر اۉز منبع‌لری معلوماتی‌گه ته‌ینیب گزارش بیریشیچه، کابل غربی قسمی‌ده جایله‌شگن دشت برچی حدودی‌دن بیر قنچه خاتین-قیزلر طالبان تامانیدن حبسگه آلینگن.
بو حقده نشر اېتیلگن خبرلرگه کۉره، مذکور خاتین-قیزلر دشت برچی حدودی نینگ تورلی بولیملریدن، محرم‌سیز کۉچه‌گه چیققنلری سبب حبسگه آلینگن.
طالبان حاضرگچه بو حقده بیران تفصیلات بېرگن اېمس.
ایتیش کېره‌ک که سونگی کونلر ایچیده، طالبان امر بالمعروف و نهی عن المنکر خادملری تامانیدن کابل شهریده اۉنلرچه خاتین-قیزلر حبسگه آلینگن.
اۉزبېک تی‌وی منبع‌لری نینگ ایتیشیچه، طالبان نینگ اوشبو حرکتلری باعث کابل شهریده بیر قورقینچ فضا یره‌تیلگن و شهرده خاتین-قیزلر حضوری سیزیلرلی درجه‌ده آزه‌یگن.
دیمک طالبان نینگ خاتین-قیزلرگه قرشی بو باسیم‌لر کۉپلب تنقیدلرگه هم سبب بۉلگن.
