امریکا قوشمه ایالتلری نینگ جمهور باشلیغی دونالد ترامپ، ینه بیربار اوکراین اوروشی تقدیری خصوصیده جدی نطق سۉزلب، بو اوروش تیزلیک بیلن یکونلنیشینی تاکید قیلدی.
امریکا جمهور باشلیغی، روسیه‌لیک هم‌کسبی ولادیمیر پوتین‌گه اوکراین‌ده تینچ‌لیک کېلیشووی‌گه تَن بېریش اوچون ینه اۉن کون مهلت بېرگنینی اعلام قیلدی.
دونالد ترامپ مطبوعات وکیللری بیلن اۉتکزگن ییغینی‌ده، بو مساله‌نی تیلگه آلگن.
ترامپ نینگ آگاه‌لنتیریشیچه، روسیه کېله‌سی اۉن کون‌گه قدر اوکراین‌ده تینچ‌لیک تامین‌لنیشی اوچون سعی‌وحرکت قیلمسه، بو مملکتگه قرشی جدی باسیم‌لر قۉلگه آلینه‌دی.
ترامپ نینگ ایتیشیچه “اۉن کون‌دن کېین بیز باج‌لر و باشقه نرسه‌لرنی جاری قیلماقچی‌میز. بو روسیه‌گه تاثیر قیله‌دیمی یا یۉق‌می بیلمیمن، چونکه پوتین اوروش‌نی دوام اېتدیریشنی خواهله‌یاتکنی انیق.”
بو بیانات شوندی بیرحالده دیر که روسیه نینگ اوکراین‌گه قرشی هجوملری جدی‌لشگن.
عینی حالده بو اوروش یکونلنیشی مقصدیده بۉلگن سۉزلشوولر هم حاضرگچه موفقیت‌سیزلیک بیلن اۉتکزیلگن.
