طالبان یوقاری مرتبه‌لی رسمی‌لری، اۉتگن کون بیر احتفال اۉتکزیب قانونی یۉللردن قطرگه ایشچی یوباریش جریانی باشلنگنینی اعلام قیلدی.
اوشبو جریان باشلنگنیدن بیری، بو جریان اوچون رویخطگه آلیش مرکزلری، یوزلرچه اهالی هجومی‌گه گواه بۉلگنی اَیتیلماقده دیر.
دیمک طالبان بو جریان آرقه‌لی، یالغیز ایکی مینگ کیشی قطرگه یوباریلیشینی بیلدیرگن. بیراق شوندی بۉلسه هم ایش‌سیزلیک معماسی جدی بۉلگن افغانستان اهالیسی بو فرصت‌دن فایده‌لنیش اوچون اولگورماقده.
بو مرکزلرگه کۉپ آدملر هجومی آرتیدن، افغانستان‌ده ایش‌سیزلیک و آغیر اقتصادی وضعیت معماسی جدی بۉلگنی تاکید اېتیلیب، اهالی‌گه کۉپراق ایش زمینه‌لری یره‌تیلیشی طلب قیلینماقده دیر.
ایتیش کېره‌ک که اوزاق ییللردن بیری افغانستان‌ده جدی بیر معما اوله‌راق دوام اېتیب کېله‌یاتکن ایش‌سیزلیک معماسی طالبان حاکمیتی دوری اینقسه مملکتلر تامانیدن افغانستان‌لیک مهاجرلر چیقاریلیشی‌دن کېین ینه‌ده جدی‌لشگن.
