فاریاب مرکزی میمنه شهریده‌گی «غلام محمد میمنه‌گی» فوتبال استدیومی بوگونلر قیزیق اۉیین‌لر گواهی دیر.
فاریاب فوتبال لیگه‌سی چارچوبه‌سیده بۉلگن بو اۉیین‌لر نه فقط بیله‌شوو میدان‌نی قیزیقتیرگن بلکه استدیوم اطرافیده‌گی کسب‌وکارلر بازاری هم یخشی‌لنیشی‌گه سبب بۉلگن.
استدیوم اطرافیده‌گی بولانی و سوو همده باشقه نرسه‌لرنی ساتیب تورگن شخص‌لر، شوکونلر بازارلری یخشیلنیشیدن خبر بېره‌دی.
بو سپورت میدانی اطرافیده بولانی و باشقه ییگولیک ساتیب روزغار تیبره‌تیب تورگن دین محمد بو حقده شوندی دېدی “لیگ برتر باشلنگندن بیری ساتیش‌لر یخشی، بیش آلتی مینگ آدم کېله‌دی نام خدا سودامیز کۉپ یخشی‌لنگن.”
شونینگدېک بو اۉیین‌لر سبب استدیوم اطرافیده اۉنلرچه کیشی هم ایش بیلن تامین‌لنگن و ایش‌لر هم کۉپ یخشی دیر.
بو ییرده کسب‌وکار بیلن بهرام نینگ ایتیشیچه “شو لیگ برتر باشلنگنی سبب بۉلیبتی بیز شو ییرده بیر لقمه رزق تاپسک، کسب‌وکاریمیز شو دیر. فوتبال‌دن ایلگری‌دن کۉره سودالر کۉپ یخشی بۉلگن.”
ایتیش کېره‌ک که فاریاب فوتبال لیگه‌سی وقتینچه‌لیک دیر و بو اۉیین‌لر تمام‌لنیشی بیلن کسب‌وکارلر بازاری ینه‌ده ساووشی کوتیله‌دی.
اهالی شو وضعیت‌لرنی اېسلب، دایمی ایش زمینه‌سی یۉق‌لیگیدن خواطر بیلدیره‌دیلر
