امریکا قوشمه ایالتلری و پاکستان اۉرته‌سیده مهم اقتصادی شرطنامه امضالنگنی خبر قیلیندی.
بو حقده نشر اېتیلگن خبرلرگه کۉره، مذکور کېلیشوو پاکستان باش وزیری اۉرین باسری و تشقی ایشلر وزیری محمد اسحاق‌دار نینگ امریکاگه بۉلگن سفری دوامی‌ده، امضالنگن.
ایتیلیشیچه بو کېلیشوو اقتصادی همکارلیکلر همده تیل ذخیره‌لری ترقیاتی ساحه‌سیده قرهتیلگن دیر.
امریکا و پاکستان دولت رهبرلری نشر قیلگن علیحده بیانات‌لریده، بو کېلیشوونی قدرله‌گن.
امریکا جمهور باشلیغی دونالد ترامپ اۉزی نینگ «تروت سوشیال» اجتماعی صحیفه‌سیده بیانات نشر قیلیب، بو کېلیشوو اهمیت‌نی تاکیدلگن.
شونینگدېک پاکستان باش وزیری شهباز شریف هم ایکس صحیفه‌سیده نشر قیلگن بیاناتیده، بو کېلیشوو تاریخی اهمیت‌گه ایگه بۉلگنینی بیلدیردی.
