امریکا قوشمه ایالتلری نینگ افغانستان ترقیاتی اوچون مخصوص تیکشیرووچیسی اداره‌سی یا ده «سیگار» یقین‌ده بیر گزارش نشر قیلیب، افغانستان احوالی‌دن خواطر بیلدیرگن.
سیگار نینگ بو گزارشی، افغانستان‌ده تروریزم فعالیتی، انسان حقلری احوالی همده انسان‌پرورلیک یاردملر خصوصیده قره‌تیلگن.
سیگار امریکا کانگرس‌گه ارایه قیلگن اوچ آیلیک بو حساباتیده کېلیشیچه، طالبان حاکمیتیده‌گی افغانستان‌ده داعش، القاعده و پاکستان طالبان تحریکی یا ده «تی‌تی‌پی» ایرکین فعالیت قیله‌دیلر.
شونینگدېگ سیگار اۉز حساباتیده، طالبان تامانیدن افغانستان خاتین-قیزلری حقلری تیزیملی بیر روشده نقض اېتیلیب تورگنینی هم معلوم قیلگن.
بو حسابات نینگ ینه بیر بۉلیمی، افغانستان‌گه کۉرسه‌تیلگن انسان‌پرورلیک یاردملرگه قره‌تیلگن که حساباتنی ادعا قیلیشیچه، طالبان حاکمیتیده بو یاردملر فساد بیلن یوز مه یوز بۉلگن.
ایتیش کېره‌ک که طالبان بوندن ایلگری، افغانستان‌ده ترورچیلیک تهدیدی یۉق اېتیلگنی و انسان‌پرورلیک یاردملر بو گروه اختیاریده اېمس‌لیگینی ادعا قیلیب کېلگن.
