بدخشان ولایتیدن محلی منبع‌لر تامانیدن نشر اېتیلگن خبرلرگه کۉره، بو ولایت شهربزرگ تومنی نینگ «سیاسنگ» حدودیده ترافیکی بیر حادثه یوز بېریب، آلتی ییگیت جان بېرگن.
بو حقده بۉلگن معلومات‌لرگه کۉره، اوشبو واقعه عاقبتیده عبدالقیوم، عبدالله، رحمت الله، مصطفی، همایون و امید ناملی شخص‌لر جان بېرگن.
طالبان نینگ بدخشان ولایتیده‌گی خوفسیزلیک قومندان‌لیگی هم بو واقعه‌نی تصدیق‌لگن. بیراق بدخشان خوفسیزلیک قومندان‌لیگی بو واقعه‌ده بیش کیشی جان بېرگنینی اعلام قیلدی.
عینی حالده، بدخشان ولایتیده طالبان خوفسیزلیک قومندان‌لیگی معلوماتی اساسیده، بو ولایت نینگ راغستان تومنی‌ده هم ترافیکی بیر حادثه یوز بېریب ایکی کیشی جان بېرگن.
ایتیش کېره‌ک که سونگی وقتلرده، مملکت تورلی حدودلریده ترافیکی حادثه‌لر صادر بۉلیب اهالی‌دن قربان‌لیک آلماقده دیر.
