طالبان نظارتی آستیده‌گی افغانستان احصاییه و معلومات اداره‌سی، بوگون شنبه ۱۱ – اسد بیر حسابات نشر قیلیب جاری قویاش ییلی نینگ جوزا و سرطان آی‌لری دوامی‌ده بیش مینگ و ۱۹۶ چیت‌ایل مملکتلری وطنداشلری، افغانستان‌گه کېلیشی و چیقیشی رویخط‌گه آلینگنیدن خبر بېردی.
اوشبو اداره معلوماتی اساسیده، بو مدت ایچیده ۱۴۱ عیال شامل ایکی مینگ و ۹۰۱ چیت‌ایل وطنداشی افغانستان‌گه کېلگن همده ۶۷ عیال شامل ایکی مینگ و ۲۹۵ کیشی هم افغانستان‌دن چیققن.
طالبان افغانستان‌گه کېلگنلر جمله‌سیدن ۴۶۷ کیشی سیاحت مقصدیده و قالگنلر اېسه ایشلش و اۉقیش مقصدیده افغانستان کېلگن.
احصاییه و معلومات اداره‌سی بو شخص‌لر، افغانستان هوا قونلغه‌لری همده ییر چیگره‌لری آرقه‌لی مملکت‌که کېلیب کېتگنینی معلوم قیلدی.
طالبان افغانستان‌گه ایشلش و اۉقیش مقصدیده کېلگن شخص‌لر، انیق قیسی مملکت وطنداشلری بۉلگنی حقیده تفصیلات بېرگن اېمس.
