ایران جمهور باشلیغی مسعود پزشکیان رسمی بیر تشریف بیلن پاکستان‌گه باریب، بوگون یکشنبه ۱۲ – اسد بو مملکت یوقاری مرتبه‌لی رسمی‌لری، جمله‌دن پاکستان باش وزیری شهباز شریف بیلن اوچره‌شدی.
مسعود پزشکیان اوشبو سفری دوامی‌ده، ایران و پاکستان اۉرته‌سیده مناسبت‌لر کوچه‌یشی مقصدیده ۱۲ همکارلیک شرطنامه‌سی امضالندی.
دېیرلی بو شرطنامه‌لر، سوداگرلیک، بیلیم و تکنالوژی، ترانزیت، مدنیت، ایکینچیلک و حقوقی همکارلیکلر ساحه‌سیده قره‌تیلیب، پاکستان و ایران رسمی‌لری اۉرته‌سیده امضالنگن.
ایتیش کېره‌ک که ایران جمهور باشلیغی پاکستان‌گه بۉلگن سفری‌دن ایلگری، بو سفر جریانی‌ده، ایران چین تشبثی بیلن یۉلگه قوییلگن «ابریشم یۉلی» اقتصادی همکارلیکلر لایحه‌سیده قوشیلیشینی اعلام قیلیب، بو سفرده پاکستان رسمی‌لری بیلن خوفسیزلیک مساله‌لری خصوصیده هم صحبت اۉتکزیلیشینی معلوم قیلگن اېدی.
