بدخشان ولایتی کوهستان تومنی‌ده‌گی خوفسیزلیک مسئوللری معلوماتی‌گه کۉره، مذکور تومن‌نینگ «جرعینگ» قیشلاغی‌ده ترافیکی حادثه یوز بېریب، ۸ کیشی اۉلیب و یره‌لنیشیگه سبب بۉلگن.
مذکور واقعه یکشنیه کونی ۱۲ – اسد، توش‌دن ایلگری «مازدا» تور موتر یۉلدن چیقیب کېتیشی عاقبتیده یوز بېریب، نتیجه‌ده ۱ کیشی اۉلیب ۷ کیشی جراحت آلگن.
مسئوللرنینگ ایتیشیچه، اوشبو موترنینگ مسافرلری جمعا ۳۰ کیشی بۉلگن. بولردن بیری رجب محمد‌نینگ اۉغلی صبغت الله “ده کلان” قیشلاغی اهالیسی، هلاک بۉلگن و یېتتی کیشی یره‌لنگن. قالگن مسافرلر اېسه اوشبو حادثه‌دن امان قالگنلر.
ایتیش کېره‌ک که سونگی وقتلرده مملکت بویلب ترافیکی حادثه‌لر سانی کۉپه‌یگن.
مملکت شمالشرقیده جایله‌شگن بدخشان ولایتی، اینگ کۉپ ترافیکی حادثه‌لرگه گواه بۉله‌یاتکن ولایتلردن بیری دیر.
