طالبان حکومتی غزنی بیلیم‌یورتی‌سی نینگ بیتیروو مراسمیده قتنشوچیلر اوچون ینگی کیینیش قاعده لرینی جاری اېتدی. طالبان تمانیدن بیلیم‌یورت نینگ علمی ایشلر بۉییچه اۉرین باسر اېتیب تعینلنگن مولوی محمد حیدر همزه، برچه اۉقیتووچیلرگه بیتروو مراسمیده لنگی (عنعنه‌وی سله) اوره‌شنی بویوردی. او شونینگدېک، اگر بیترووچیلر سقاللرینی قیرقیشسه یاکی قیسقرتیریشسه، اولرگه بیتروو گواهی نامه‌سی بېریلمسلیگینی تٲکیدلدی.
بو حقده نشر اېتیلگن خبرلرگه کوره، اوشبو مراسم جاری هفته نینگ پنجشنبه کونی بۉلیب اۉتیشی رېجه‌لشتیریلگن. طالبان اېرککلر اوچون عنعنه‌وی افغان کییملری، جمله‌دن سقال، لنگی یاکی دۉپی کییشنی جبری دېب بیله‌دی و بو کیینیش طرزینی مکتب اۉقووچیلری و دولت خذمتچیلری اوچون هم بېلگیلب قۉیگن.
طالبان نینگ بو کبی کیینیش قاعده‌لری، خصوصا، قاره رنگده‌گی کییملرینی تحقیقلشگه قره‌تیلگن قرارلری، خلق ارا هم‌جمعیت و انسان حقلری تشکیلاتلری تمانیدن تنقید قیلینماقده. بو چاره – تدبیرلر، اینیقسه، خاتین – قیزلر اوچون تعلیم و ایش امکانیتلرینی چېکلشگه آلیب کېلماقده.
