طالبان حکومتی نینگ تۉرت ییللیگی عرفه‌سیده، بشر حقلری تشکیلاتی بیر بیانات اعلام قیلیب، بیرلشگن مللتلر تشکیلاتی‌گه اعضا دولتلر سۉنگی تۉرت ییل ایچیده افغانستان انسان حقلری‌نینگ جدی بوزیلیشلریگه برهم بېریش باره‌سیده ثمره‌لی چاره‌لر کۉره‌آلمگنینی بیلدیردی.
انسان حقلری تشکیلاتی‌نینگ ۲۰۲۵- ییلی ۵ – اگست کونی اعلام قیلگن بیاناتیده ایتیلیشیچه، ۲۰۲۱ – ییلی ۱۵ – اگست‌ده افغانستانده حاکمیتنی قۉلگه کیریتگنیدن بېری، طالبان خاتین – قیزلرنینگ حقلرینی کېسکین چیکلب، ژورنالیستلرنی حبسگه آلیب، هر قندی مخالفتنی باستیریش آرقه‌لی توسیقلیکنی کوچیتیردی.
بیاناتده، شونینگدېک، افغانستان حاضرده دنیاده‌گی اېنگ آغیر انقراضلردن بیریگه دوچ کېله‌یاتگن. بوحالت تشقی یاردملرنینگ کمه‌ییشی و اېران همده پاکستان دن ۱.۹ ملیون افغانستانلیک مهاجرنینگ مجبوراً قیتریلیشی بیلن ینه‌ده آغیرلشدی.
طالبان قیزلرنی ۶ – صنفدن یوقاری تعلیم آلیشدن، بیلیم یورتی‌لرده اۉقیشدن، ایشگه جایلشیشدن، اېرکین حرکتلنیشدن و جماعت جایلریگه کیریشدن محروم قیلگن. بو چېکلاولر خاتین – قیزلرنینگ انسانپرورلیک یاردمی و ساغلیکنی سقلش خذمتلریگه کیریشنی هم چېکله‌ماقده.
