دایکندی ولایتیده جایلشگن”نسیم رادیوسی”نینگ باش مسٶلی سلطان علی جاوید و ایککی ژورنالیست سیف الله رضایی همده مجتبی قسیمی، ۲۰۲۳ ییلی ۷ ــ اکتوبر طالبان استخبارات خذمتی تامانیدن حبسگه آلیندی. بو اولرنینگ سۉنگی اۉن کون ایچیده ایکینچی مرته حبسگه آلینیشی اېدی.
ایلگراق، ۲۰۲۳ ییلی ۲۷ ــ سپتمبرده طالبان استخبارات خادملری”نسیم رادیوسی” اداره‌سی‌گه باستیریب کیریب، رادیو تجهیزاتینی مصادره قیلگن و اېشیکنی مهرلب قۉیگن اېدی. شو کونی جوادی و ایککی ژورنالیست قیسقه مدتگه حبسگه آلینگن، بیراق کېیینچه‌لیک قۉیباریلیب یوبریلگن اېدی.
۲۰۲۳ ییلی دسمبر آییده، طالبان محکمه‌سی علی جوادنی “اسلام امیرلیگی‌گه قرشی ترغیبات” و چېت اېل دولت‌لری فایده‌سی‌گه جاسوسلیک” عیبلری بیلن بیر ییل آزادلیکدن محروم اېتدی. محکمه جریانی یاپیق اېشیکلر آرتیده، وکیل‌سیز اۉتکزیلگن اېدی.
۲۰۲۴ ییل ۶ ــ اپریلده، جوادی رمضان هییتی مناسبتی بیلن عفو اېتیلیب، آلتی آی‌لیک قماقدن سۉنگ آزاد قیلیندی.
“نسیم رادیوسی” ۲۰۲۴ ییلی مارچ آییده، ینگی باش مسٶلی تعینلنیشی و طالبان‌نینگ میدیا سیاستی‌گه رعایه قیلیش مجبوریتی بیلن قیته جانلی برنامه‌لرگه چیقیش‌گه رخصت آلدی.
بو واقعه‌لر افغانستان سۉز اېرکین‌لیگی و ژورنالیستلر خوفسیزلیگی‌گه بۉلگن تهدیدلرینی ینه بیر بار کۉرستماقده.
