طالبان صناعت و سودا وزیرلیگی‌نینگ ایتیشیچه، افغانستان و روسیه‌نینگ تاتارستان جمهوریتی خصوصی سېکتوری اۉرته‌سیده ۱۸۳ میلیون دالر قیمتیده‌گی کېلیشوولر امضالنگن.
طالبان نینگ مذکور وزیرلیگی تامانیدن بوگون پنجشنبه ۱۶ -اسد، بېریلگن بیاناتگه کۉره، بو تجارتی کېلیشوولر نفت و قوریلیش ساحه‌لریده امضالنگن.
طالبان‌نینگ صناعت و سودا وزیرلیگی‌نی بیلدیرگنیچه، ایککی تامان‌نینگ تدبیرکار و سرمایه‌دارلری آزیق-آوقت ایشلب چیقریش، هلیکوپتر، الکتریک محصولاتلر، یوویش و بهداشتی محصولاتلر، قوریلیش اسبابی، سوو و نفت باشقرووی، همده تېمیر اېریتیش ساحه‌لریده همکارلیک حقیده مذاکره‌لر آلیب اۉتیلدی.
بو کېلیشوولر روسیه‌نینگ تاتارستان جمهوریتی باش وزیری اۉرین باسری و صنعت سودا وزیری اولیک ولادیمروویچ کوروبچینکو نینگ کابل‌گه قیلگن سفری دوامیده امضالندی.
تاتارستان باش وزیری اۉرین باسری کابل‌گه سفری چاغیده طالبان‌نینگ تورلی عملدارلری بیلن اوچرشیب، اقتصادی و تجارت ساحه‌لریده همکارلیک یوزه‌سیده مذاکره‌لر آلیب اۉتگن‌دیر.
