آلمان ایچکی ایشلر وزیریا لکساندر دوبرینت، بو مملکت مهاجرلرگه قرشی باسیم‌لرینی کۉپه‌یتیریب، ینه کۉپلب مهاجرلر افغانستان و سوریه‌گه قیتریلیشینی معلوم قیلدی.
آلمان نینگ «دویچه ویله» یېتکیرمە‌سی نشر قیلگن گزارشی‌ده بو حقده خبر بېردی.
آلمان نینگ مهاجرلرگه قرشی باسیم‌لری کۉپه‌یشی بو مملکتده یشاوچی مهاجرلر اۉرته‌سیده خواطرلرنی جدی‌لشتیرگن. بوندن ایلگری اوشبو مهاجرلردن بیری اۉزبېک تی‌وی گه آلمان ۱۴ مینگ مهاجرنی افغانستان‌گه قیتره‌دی دېگن میش-میش‌لر مهاجرلرنی جدی خواطرده قویگنینی اَیتکن اېدی.
آلمان ایچکی ایشلر وزیری شوندی بیرحالده افغانستان‌گه مهاجرلرنی قیتریلیشینی تیلگه آلماقده که آلمان حکومتی بو خصوصده طالبان بیلن هم علاقه قورگن اېدی.
آلمان طالبان بیلن علاقه قورگنی و بو گروه حاکمیتیده‌گی افغانستان‌گه مهاجرلر چیقاریلیشی تنقیدلرگه هم سبب بۉلگن.
عینی حالده، آلمان حکومتی مهاجرلر آلدینی آلیش مقصدیده چیگره نظارت‌لرینی هم جدی‌لشتیریش‌گه قرار قیلگن.
