خلق‌ارا یېتکیرمه‌لرنی گزارش بیریشیچه، اسراییل‌ده بو مملکت نینگ غزه‌ده‌گی اوروشی برابریده ناراضلیک نمایش‌لر اۉتکزیلگن.
رویترز اخبارات آژانسی تامانیدن بو حقده نشر اېتیلگن خبرگه کۉره، مذکور اعتراضچی‌لر، اورشلیم شهریده اسراییل باش وزیری بنیامین نتنیاهو ایش اداره‌سی برابریده ییغیلیب، اۉز ناراضلیکلرینی بیلدیرگن.
اسراییللیک ناراض اهالی، اوروش تیزلیک بیلن تۉخته‌تیلیشی و اسیرلر آزاد اېتیلیشینی طلب قیلگن.
بو نمایش شوندی بیرحالده اۉتکزیلماقده دیر که سونگی وقتلرده غزه‌ده اوروش جدی‌لشیب، اسراییل کوچلری هجوملرینی کۉپه‌یتیرگن.
عینی حالده، اسراییل خوفسیزلیک کابینه‌سی غزه‌نی بوتونله‌ی باسیب آلیش ریجه‌سینی هم تصدیق‌لگن.
