طالبان حاکمیت‌گه قیتگنیدن بیری، افغانستان نینگ تورلی دولتی اداره‌لریده اوزاق ییللر ایچیده خذمت قیلیب، نفقه‌گه چیققن اهالی حقلرینی توله‌شگه تیار بۉلمه‌گن.
طالبان نینگ بو قراری افغانستان‌ده کۉپلب عایله‌لرنی آغیر احوالده قویگن و نفقه‌گه چیققن/تقاعد قیلگن شخص‌لر بو وضعیت برابریده ناراضلیک نمایش اۉتکزیب کېلماقده دیر.
اوشبو ناراضلیکلر دوامی‌ده، اۉتگن کون هم کابلده اۉنلرچه کیشی ناراضلیک نمایش اۉتکزگنی خبر قیلیندی.
افغانستان‌ده اوزاق ییللیک محنت‌دن کېین خوارلیککه قالگن بو اهالی، طالبان‌دن خدا یوزینی کۉریب حقلرینی بېریش‌نی سۉره‌گن.
بو طلب‌لر شوندی بیرحالده دیر که بوندن ایلگری طالبان اولرنینگ حقی بېریلیشی اوچون خاص بیر محکمه ایش‌گه باشله‌گنینی معلوم قیلگن اېدی. بیراق حاضرگچه بو هم نفقه‌گه چیققن‌لر حقلری‌گه قۉل تاپیشی اوچون هیچ بیر ایش قیلمه‌گن.
