طالبان حکومتی‌نینگ امربالمعروف ونهی عن المنکروزیرلیگی بیرلشگن مللتلر تشکیلاتی عیاللر بۉلیمی‌نینگ افغانستانده عیاللر دوچ کېله‌یاتگن کېنگ کۉلملی زورە‌وانلیک و چېکلاولر حقیده‌گی سۉنگی حساباتینی رد اېتدی و اونی مسٶلیت‌سیز همده سیاسی دېب اته‌دی.
اوشبو وزیرلیک سۉزلاوچیسی سیف الاسلام خیبر، اۉزی‌نینگ ایکس صحیفه سیده اعلام قیلگن آوازلی خبریده ادعا قیلدی‌که، افغانستانده عیاللرنینگ شرعی وقانونی حقلری تامین‌لنگن و اولر تۉلیق حرمت، عفت و ایچکی خوفسیزلیک کفالتیگه اېگه.
شونگه قره‌می، ایریم افغان عیاللری بو دعوالر اولرنینگ کونده‌لیک حیاتی حقیقتدن‌هم جوده ییراق اېکنینی اَیتماقده و طالبان تمانیدن کیریتیلگن چېکلاولر همده امربالمعروف و نهی المنکر وزیرلیگی‌نینگ سۉنگی حرکتلری عیالر آره‌سیده قۉرقوو محیطینی یوزه‌گه کېلتیرگنینی بیلدیرگن.
