دایکندی و بامیان ولایتلریده فعال «نسیم رادیوسی» دوشنبه کونی ۲۰ – اسد نشر قیلگن بیاناتیده، اۉز فعالیتی یکونی‌دن خبر بېردی.
بو محلی رادیو اۉزی نینگ فعالیتی ۱۳ ییل‌دن کېین تۉخته‌یلگنینی معلوم قیلیب، شرایط ماس بۉلگن تقدیرده، قیته فعالیت‌نی باشلش اوچون تیار اېکنینی معلوم قیلدی.
دیمک بو رادیو شوندی بیرحالده فعالیت‌نی یکونلنتیرماقده دیر که سونگی وقتلر بو رادیو مسووللری و ژورنالیست‌لریگه نسبتن طالبان باسیم‌لری آشگن اېدی.
طالبان بوندن ایلگری، بو رادیو ژورنالیست‌لری اینقسه مسوولی سلطان‌علی جوادی نینگ حبسگه آلگن اېدی.
ایتیش کېره‌ک که طالبان حاکمیت‌گه قیتگنیدن بیری، تورلی بویروغ‌لر بیلن یېتکیرمه‌لر فعالیت‌لرینی چیک‌لنتیریب قویگن و بو وضعیت سبب کۉپلب یېتکیرمه‌لر فعالیتی تۉخته‌تیلیب و ژورنالیست‌لر سانسور اېتیش‌لرگه مجبورلنگن.
