طالبان صناعت و سودا وزیرلیگی بوگون جمعه ۲۴ – اسد بیر بیانات نشر قیلیب بو وزیرلیک سرپرستی نورالدین عزیزی، قرغیزستان باش وزیری عادل‌بیک قسیم‌علی‌یف بیلن اوچره‌شگنیدن خبر بېردی.
اوچره‌شووده، طالبان کابینه‌سی بو اعضاسی، قرغیزستان باش وزیری‌دن بو مملکت تامانیدن طالبان آتی ترورچیلیک قاره رویخطی‌دن چیقاریلیشی و خلق‌ارا ییغین‌لرده، افغانستان‌دن بۉلگن قرغیزستان حمایه‌لریدن منتدارچیلیک بیلدیرگن.
شونینگدېک اوچره‌شووده، ایکی تامانلمه مناسبت‌لر یخشی‌لنیشی خصوصیده هم بحث اېتیلیب، طالبان هیاتی قرغیزستان باش وزیری‌دن کابلگه سفر قیلیشینی طلب قیلگن.
طالبان صناعت و سودا وزیرلیگی، بو تکلیف قرغیزستان باش وزیری تامانیدن قیزغین کوتیب آلینگنینی معلوم قیلدی.
