بیرلشکن ملتلر تشکیلاتی نینگ عیاللر بۉلیمی یا ده «UN Women» طالبان حاکمیتی تۉرتینچی ییللیگی مناسبتی بیلن نشر قیلگن حساباتیده، ینه بیربار افغانستان‌ده عیاللر احوالی آغیرلیگیدن خواطر بیلدیردی.
بیرلشکن ملتلر تشکیلاتی بو بۉلیمی نینگ تاکیدلشیچه، حاضر طالبان افغانستان جماعه‌سیدن خاتین-قیزلرنی یۉق اېتیش آرزولرینی عملگه آشیریش عرفه‌سیده دیر.
بیرلشکن ملتلر تشکیلاتی عیاللر بۉلیمی حساباتیده، طالبان اۉتگن تۉرت ییل دوامی‌ده، خاتین-قیزلرگه قرشی چیکلاولریدن بیرته‌سینی هم بیکار قیلمه‌گنینی اېسلنیب، حاضر طالبان عیاللرنی جماعه‌دن یۉق اېتیش آرزولریگه یقین‌لشگنینی معلوم قیلینگن.
شونینگدېک بیرلشکن ملتلر تشکیلاتی، افغانستان‌ده انسان حقلری جدی بوزیلیشی عادی بیر مساله‌گه اَیله‌نیشی‌دن هم آگاه‌لنتیردی.
عینی حالده، بیرلشکن ملتلر تشکیلاتی عیاللر بۉلیمی افغانستان خاتین-قیزلری گواهی بۉلیب تورگن وضعیت‌دن خواطر بیلدیریب، خلق‌ارا هم‌جمعیتیدن تیزلیک بیلن بو خصوصده چاره کۉریشینی سۉره‌شدی.
