امریکا قوشمه ایالتلری جمهور باشلیغی دونالد ترامپ و روسیه جمهور باشلیغی ولادیمیر پوتین، آلاسکا شهریده اوچره‌شوو اۉتکزیب، تورلی مساله‌لر اینقسه اوکراین اوروشی تقدیری حقیده صحبت قیله‌دیلر.
مذکور اوچره‌شوو، آلاسکاده محلی وقت بیلن اېرته‌لب ساعت ۱۱:۰۰ ده اۉتکزیلیشی ریجه‌لشتیریلگن.
حاضرگچه اوشبو اوچره‌شوو کون ترتیبی اینقسه اوچره‌شووده بحث اېتیلیشی کوتیلگن موضوع‌لر حقیده تۉلیق معلومات بېریلگن اېمس. بیراق ایتیلیشیچه ترامپ و پوتین یالغیز ترجمان‌لر اشتراکیده ملاقات اۉتکزه‌دیلر.
بو اوچره‌شوو شوندی بیرحالده اۉتکزیلماقده دیر که اوکراین‌ده روسیه نینگ اوروشی دوام اېتماقده و امریکا جمهور باشلیغی بوندن ایلگری مذکور اوروش تیزلیک بیلن تۉخته‌تیلیشینی طلب قیلگن اېدی.
عینی حالده، امریکا رسمی‌لری بوندن ایلگری، ترامپ و پوتین اوچره‌شووی تیزلیک بیلن اوکراین اوروشی یکونلنیشی‌گه سبب بۉلمس‌لیگینی تاکیدلگن.
شوندی بۉلسه هم، روسیه تشقی ایشلر وزیری سرگی لاوروف بو مملکت طلب‌لری اوچره‌شووده آچیق بیان اېتیلیشینی معلوم قیلگن.
ایتیش کېره‌ک که بو اوچره‌شووی، پوتین و ترامپ اۉرته‌سیده ۲۰۱۸ – ییل‌دن کېین و روسیه و امریکا دولت رهبرلری اۉرته‌سیده ۲۰۲۱ – ییل‌دن کېین ایلک اوچره‌شوو دیر که اۉتکزیلماقده.
