اۉتگن تۉرت ییل دوامی‌ده، طالبان نینگ چیکلاولری و باسیم‌لری کۉپینچه مملکت خاتین-قیزلرینی نشان‌گه آلیب اولرنینگ قرانغو و آغیر احوالده قویگن.
حاضر طالبان چیکلاولری باعث، قیزلر اۉقیش‌دن عیاللر ایش‌لشدن و حتا جماعه‌ده‌گی عادی دستلبکی حقلریدن هم محروم دیر.
شو وضعیت برابریده، تۉرت ییل دوامی‌ده خاتین-قیزلر تورلی یۉللردن فایده‌لنیب، طالبان یانده‌شوولریگه قرشی اۉز ناراضلیکلرینی بیلدیریب و بو اېسه دوام هم اېتیب کېلماقده دیر.
افغانستان تورکتبار عیاللر حرکتی اعضالریدن بیری بو تۉغریده ایتیشیچه «تۉرت ییل بۉله‌دی که طالبان حاکمیت‌گه کېلگن و حاضر قیزلر اۉقیش و ایشلش حقی‌دن محروم دیر. طالبان تامانیدن ایش‌دن محروم اېتیلگن عیاللردن کۉپینچه‌سی اوی‌لریگه نان‌آور اېدی حاضر اولرنینگ احوالی جده آغیر دیر.»
طالبان حاکمیت‌لری تۉرت ییللیگینی شوندی بیرحالده نشان‌لماقده دیر که حاضر افغانستان جمعیتی نینگ یریمی بۉلمیش خاتین-قیزلر، اوی‌لریده قمه‌لیب قالگن و کېله‌جکلری ناانیق دیر.
بو وضعیت برابریده دنیا هم‌جمعیتی هم حاضرگچه هیچ قندی بیران چاره-تدبیر کۉریش‌گه قادر بۉلمه‌گن.
طالبان افغانستان‌ده قیزلرنی اۉقیش‌دن محروم سقلب، کۉپلب قیزلرنی کېله‌جکده‌گی امید – آرزولرینی نابود قیلگن.
طالبان تامانیدن اۉقیش‌دن محروم اېتیلگن قیزلردن بیری بو حقده شوندی دېدی «بیزلر تحصیل و مکتب‌دن محروم قالگن‌میز، بیز ایرکین‌لیک و برچه تیریکچیلیکلردن محروم‌میز و خواهله‌یمیز سیس‌میز دنیاگه ییتیشسه.»
شونینگدېگ طالبان حاکمیتیده کۉپلب عیاللر اوی‌لرگه سقلنیب قالیب، ایش‌لشدن محروم قالگن که عیاللرگه قوشیمچه اولرنینگ عایله‌سینی هم آغیر اقتصادی وضعیت‌گه قالدیرگن.
دیمک افغانستان‌ده خاتین-قیزلر حقلری نقض اېتیلیشی طالبان طالبان‌گه ییترلیچه باسیم کېلتیرمه‌گن بۉلسه هم بیراق بو وضعیت حاضرگچه طالبان حاکمیتی رسمیت‌گه تَن آلینیشی برابریده جدی توسیق یره‌تکن دیر.
