افغانستان سابق حکومت حربی‌لریدن تشکیل اېتیلگن «آزادلیک جبهه‌سی» بوگون شنبه ۲۵ – اسد بیر بیانات نشر قیلیب ادعا قیلیشیچه، مذکور جبهه جنگری‌لری تامانیدن اۉتگن بیر ییل ایچیده طالبان‌گه قرشی ۸۸ هجوم اۉیوشتیریلگن.
آزادلیک جبهه‌سی بو هجوملر نتیجه‌سیده، طالبان جنگری‌لریدن ۲۲۵ کیشی جان بېریب ۱۷۴ طالبان یره‌لنگینی ادعا قیلدی.
اوشبو جبهه هجوملری کابل، فاریاب، سرپل، تخار، بلخ، پروان، پنجشیر، بغلان، قندوز، بادغیس، لغمان، هرات و کاپیسا شامل ۱۳ ولایتده اۉیوشتیریلگن.
آزادلیک جبهه‌سی بو هجوملردن کۉپینچه‌سی کابل شهریده اۉیوشتیریلگنینی معلوم قیلیب، اۉتگن بیر ییل ایچیده کابلده ۳۰ هجوم عملگه آشیریلگن دېب ادعا قیلدی.
ایتیش کېره‌ک که طالبان، آزادلیک جبهه‌سی هجوملرینی تصدیق‌لگن اېمس.
