قندوز شوکونلر افغانستان تورلی ولایتلریدن بۉلگن فوتبال جماعه‌لری بیله‌شوولریدن میزبان‌لیک قیلماقده.
بو بیله‌شوولر افغانستان قهرمان‌لر لیگه‌سیگه یۉل تاپیش مسابقه‌لر چارچوبه‌سیده بۉلیب، قندوز، جوزجان، کابل، خوست، قندهار و هرات ولایتلریدن بۉلگن فوتبال جماعه‌لری آره‌سیده اۉتکزیلماقده دیر.
بیله‌شوولرده حضور تاپکن جماعه‌لردن هر بیری قهرمان بۉلیب، افغانستان قهرمان‌لر لیگه‌سیگه یۉل تاپیش آرزوسی بیلن میدان‌گه چیقماقده.
میزبان ولایت بۉلمیش قندوز جماعه‌لریدن «فیروزی فوتبال جماعه‌سی» سپورتچی‌لریدن بیری حفیظ الله بو حقده ایتیشیچه “بو ییرده کېلگن برچه جماعهلر کوچلی دیر، بیز خواهله‌یمیز قالگن مسابقه‌لریمیزگه غلبه قازانیب، قهرمان‌لر لیگه‌سیگه صعود قیلسک.”
عینی حالده، جوزجان وکیلی بۉلمیش «مدرن کلپ فوتبال جماعه‌سی» اعضاسی هم دولت‌مراد اۉغلی گلب‌الدین، قندوز میزبان‌لیگیده اۉتکزیله‌یاتکن بیله‌شوولر حقیده کۉپه‌یتیریشیچه “جوزجان نینگ مدرن کلپ جماعه‌سی افغانستان شمالی حدودلریده‌گی بیش ولایت ایچیده قهرمان بۉلیب و بو اۉیین‌لرگه یۉل تاپیب کېلگن، الحمدالله تمرین‌لریمیز یخشی سپورتچیلریمیز برچه‌سی تیار دیر.”
شونینگدېک بو بیله‌شوولرنی، یقین‌دن کوزهتیش مقصدیده کېلگن فوتبال مخلص‌لری هم، فوتبال اۉیینی رواجی همده سپورتچیلر قوللب-قوتلنیشی اوچون اعتبار قره‌تیلیشینی طلب قیله‌دیلر.
اوشبو مخلص‌لر بیری قندوزلیک حبیب‌الرحمن بوندی دېدی «سپورتچیلر ترغیب و حمایه بۉلیشی کېره‌ک، خواهله‌یمن بیزلر حمایه قیلیب تورگن جماعه قهرمان بۉلسه.»
دیمک فوتبال اۉیینی افغانستان‌ده کۉپلب مخلصگه ایگه سپورت‌لردن دیر. بیراق بو سپورت رواجلنیشی اوچون ییترلیچه اعتبار قره‌تیلمسلیگی تنقیدلرگه سبب بۉلیب کېلماقده.
