طالبان نظارتیده‌گی افغانستان نینگ برق ییتکزیش کمپنیه‌سی یا ده «برشنا» اۉزبېکستان انرژی وزیری جوره‌بیک میرزامحمدوف و بو مملکت جمهور باشلیغی نینگ افغانستان بۉییچه مخصوص وکیلی عصمت الله ایرگش‌افT رسمی بیر سفر بیلن کابل کېلگنیدن خبر بېردی.
برشنا کمپنیه‌سی تامانیدن نشر اېتیلگن خبرگه کۉره، اۉزبېکستان دولتی نینگ بو هیاتی، طالبان رسمی‌لری تامانیدن کوتیب آلینگن.
بو حقده نشر اېتیلگن معلومات‌نی بیلدیریشیچه، اۉزبېکستان‌لیک بو هیات سفری دوامی‌ده، طالبان و اۉزبېکستان اۉرته‌سیده تۉرت شرطنامه امضالنیشی کوتیله‌دی.
مذکور شرطنامه‌لر برق ایشلب چیقاریش ساحه‌سیده‌گی تۉرت ییریک لایحه‌‌دن عبارت بۉلگنی معلوم قیلینگن.
طالبان بو لایحه‌لر حقیده آرتیقچه تفصیلات بېرگن اېمس.
