اۉزبېکستان انرژی وزیری جوره‌بیک میرزا محمدوف نینگ کابل‌گه بۉلگن سفری دایره‌سیده، بو مملکت و طالبان اۉرته‌سیده تۉرت شرطنامه امضالندی.
طالبان باش وزیری اقتصادی ایشلر بۉییچه اۉرین باسری اداره‌سی نینگ اعلام قیلیشیچه، اوشبو لایحه‌لر ۲۴۳ میلیون دالر ارزشی‌گه ایگه بۉلیب برق ییتکزیش ساحه‌سیگه قره‌تیلگن.
دیمک طالبان و پاکستان رسمی‌لری تامانیدن امضالنگن مذکور شرطنامه‌لر، ۱۰۰۰ میگاوات برق امکانیتی‌گه سرخان – دشت الوان لین‌نی کینگه‌یتیریش، ۸۰۰ میگاولت امپیر امکانیتی‌گه ارغندی سباستیشننی کینگه‌یتیریش، ۸۰۰ میگاوات کابل-شیخ مصری لین‌نی کینگه‌یتیریش و ۱۲۶ میگاولت امپیر امکانیت بیلن ننگرهار ولایتی نینگ شیخ مصری سباستیشننی قوریش‌دن عبارت دیر.
طالبان بو لایحه‌لر اوستیده اۉزبېکستان سرمایه یاتقیزیش‌نی تاکیدلب، لایحه‌لر عملگه آشیریلیشی بیلن افغانستان ۸۰۰ الی ۱۰۰۰ میگاوات برق اۉزبېکستان‌دن آلیشینی معلوم قیلدی.
شونینگدېک طالبان باش وزیری اقتصادی اۉرین باسرلیگی بو لایحه‌لرنی عملگه آشیریش ایشی کېله‌سی ۱۸ آی دوامیده یکونلنیشی هم اعلام قیلدی.
