طالبان نظارتیدهگی افغانستان احصاییه و معلومات ادارهسی، بوگون دوشنبه ۲۷ – اسد بیر حسابات نشر قیلیب، سرطان آیی دوامیده افغانستان نینگ صادرات و واردات رقمی حقیده معلومات بېردی.
بو اداره تامانیدن نشر اېتیلگن معلوماتگه کۉره، افغانستان نینگ صادرات رقمی سونگی آیلر ایچیده آزهیگنی آرتیدن، بو رقم سرطان آیی دوامیده انچه کۉپهیگن که بو آی دوامیده افغانستان ۱۰۴ میلیون دالر ارزشیگه سودا محصولاتلرینی چیتایلگه صادر قیلگن.
شونینگدېک افغانستان سرطان آیی دوامیده، بیر میلیارد و ۱۹۱ میلیون دالر ارزشیگه چیتایلدن محصولاتلرنی وارد قیلگن.
احصاییه و معلومات ادارهسی معلوماتی اساسیده، سرطان آیی صادراتی رقمی جوزا آییگه نسبتن ۴۰.۹ میلیون دالر و واردات اېسه ۲۵۳.۹ میلیون دالر آشگن.
ایتیش کېرهک که سونگی آیلر دوامیده، افغانستان نینگ صادرات رقمی سیزیلری درجهده آزهیگن اېدی.