طالبان باش وزیرلیگی نینگ اقتصادی ایشلر بۉییچه اۉرین باسرلیگی تامانیدن بوگون یکشنبه ۲۷ – اسد نشر قیلینگن معلومات‌گه کۉره، افغانستان هر ییلی ۶ میلیون تُن اون‌گه احتیاجی بار.
طالبان معلوماتی اساسیده، افغانستان احتیاجی بۉلگن اون‌دن ۳.۵ میلیون تُنی مملکت ایچیده ایشلب چیقاریله‌دی و قالگنی اېسه چیت‌ایلدن وارد بۉلینه‌دی.
دېیرلی حاضر افغانستان احتیاجی بۉلگن اون‌دن ۶۰ فایزینی ایشلب چیقاریش‌گه قادر دیر.
طالبان نینگ اعلام قیلیشیچه، حاضر افغانستان‌ده اون ایشلب چیقاریش ساحه‌سیده ۲۰۰ ایشخانه فعال دیر که بو ایشخانه‌لر هر ییلی بیر میلیون تُن اون ایشلب چیقاره‌دی و قالگن ۲.۵ میلیون تُن اون اېسه مملکتده‌گی محلی تیگیرمان‌لر آرقه‌لی ایشلب چیقاریله‌دی.
ایتیش کېره‌ک که افغانستان نینگ کۉپلب جمعیتی ایکینچیلیک بیلن بند. بیراق ایکینچیلیک ساحه‌سی رواجلنیشی اوچون اعتبار قره‌تیلمسلیگی و قورغاقچیلیکلر سبب مملکت هلی هم اۉز احتیاج‌لریدن کۉپ قسمینی وارد قیله‌دی.
