جهان ساغلیقنی سقلش تشکیلاتی بوگون یکشنبه ۲۸ – اسد نشر قیلگن بیاناتیده، افغانستان‌گه ۸۳ متریک تُن طبی یاردم کۉرسه‌تیلگنیدن خبر بېردی.
بو تشکیلات تامانیدن نشر اېتیلگن معلومات‌گه کۉره، مذکور یاردملر قوتقیرووچی مهم طبی نرسه‌لردن عبارت بۉلیب، افغانستان ۷ حدودیده‌گی ۳۱ ساغلیق مرکزی‌گه تاپشیریلگن.
ساغلیقنی سقلش تشکیلاتی،جراح‌لیک و شاشیلینچ تۉپلملری، جراح‌لیک و باغلاو/پانسمان تۉپلملری و باشقه ضروری نرسه‌لردن عبارت بو یاردملر، افغانستان چیککه حدودلریده ساغلیق خذمت‌لرینی یخشی‌لشتیریش مقصدیده بۉلگنینی اعلام قیلدی.
ساغلیقنی سقلش تشکیلاتی نینگ یازیشیچه «بو حیاتی طبی واسطه‌لر، شاشیلینچ خذمت‌لر اوچون مولجللنگن بۉلیب، اوزاق حدودلرده‌گی ساغلیقنی سقلش خذمت‌لرینی دوام اېتدیریش اوچون نهایت مهم دیر.»
بو یاردملر اروپا اتفاقی و باشقه بیر قنچه خلق‌ارا تشکیلاتلر مالی یاردمی بیلن ییتکزیلگنی هم معلوم قیلینگن.
ایتیش کېره‌ک که سونگی ییللرده، افغانستان ساغلیق تیزیمی کۉپینچه خلق‌ارا یاردملرگه محتاج بۉلیب قالگن.
