پاکستان‌لیک یېتکیرمه‌لر اینقسه «ده نیشن» اخبارات آژانسی تامانیدن نشر اېتیلگن خبرلرگه کۉره، کابلده اېرته طالبان، پاکستان و چین یوقاری مرتبه‌لی رسمی‌لری نینگ ییغینی اۉتکزیله‌دی.
پاکستان رسمی‌لریدن نقل قیلینیب یازیلگن خبرلرنی بیلدیریشیچه، مذکور ییغین طالبان تشقی ایشلر وزیرلیگی سرپرستی امیرخان متقی، پاکستان باش وزیری اۉرین باسری و تشقی ایشلر وزیری محمد اسحاقدار و چین تشقی ایشلر وزیری وانگ‌یی حضوریده اۉتکزیله‌دی.
بو ییغین‌ده، تروریزمگه قرشی کوره‌ش، منطقوی باغلنیش، تینچ‌لیک و سوداگرلیک علاقه‌لر کوچه‌یشی مساله‌لری محاکمه اېتیله‌دی.
طالبان حاضرگچه بو ییغین خصوصیده معلومات بېرگن اېمس.
ایتیش کېره‌ک که بو ایلک‌بار دیر که طالبان حاکمیتیده بۉلگن افغانستان، اوچ تامانلمه ییغین‌دن میزبان‌لیک قیلماقده دیر.
