فاریاب ولایتی مرکزی میمنه شهریده کتاب ساتیش بیلن شغللنیب تورگن کیشی‌لر سونگی وقتلرده، کتاب آلیش بازاری جدی ساووق بۉلگنینی بیلدیریب، بو وضعیت اهالی آره‌سیده کتاب اۉقیش آزه‌یگنیدن حکایت قیله‌دی دېدی.
اولرنینگ ایتیشیچه بعضی آی‌لرده یالغیز بیر یا ایکی کتاب‌نی ساتیش‌گه قادر بۉله‌دیلر.
میمنه کتاب ساتووچیلریدن بیری احمد فوام فرزاد نینگ بو حقده ایتیشیچه «مردم حاضرگی وقتلر کتاب تامان هیچ کېتمه‌یدی. ایلگری بیر هفته‌ده نیچه بوجی کتاب آلیب کېلیب ساته‌یدیک، حاضر هفته و آی‌لرده تۉرت کتاب ساتیش‌گه قادر اېمس‌میز.»
عینی حالده، میمنه شهری اهالیسی هم سونگی وقتلرده کتاب اۉقیش‌گه بۉلگن قیزیقیش‌لر آزه‌یگنینی تصدیق‌لب، یاش‌لر انترنت و تلیفون‌لردن حددن کۉپراق ایش آلگنی، اولرنی آره‌سیده کتاب اۉقیش‌نی آزه‌یتیرگنینی اَیتهدیلر.
میمنه یشاوچیلریدن نقیب الله نینگ ایتیشیچه «کتاب اۉقیش مدنیتی کۉپ آزه‌یگن، کۉپلب یاش-ییگیت‌لر پابجی کبی گیم‌لر بیلن بند بۉلیب قالگن. اولر کۉپراق مطالعه قیلیش‌لری کېره‌ک که دینی کتاب‌لردن مطالعه قیلسه‌لر و شونگه اوخشش باشقه کتابلر بار.»
شونینگدېک میمنه یشاوچیلری، بو وضعیت‌نی خواطرلی بیان قیلیب، اهالی اینقسه عایله‌لردن کتاب اۉقیش‌گه جدی اعتبار قره‌تیشلرینی سۉرهشماقده.
میمنه‌لیک محمدالهام شوندی دېدی «کتاب اۉقیش یخشی دیر، کتاب اۉقیش بیلن یخشی یۉلگه کېته‌میز، حاضر کۉپلب ییگیت‌لر اۉقیش‌دن اوزاق بۉلگن، گیم و تلیفون‌لر بیلن بند بۉلیب قالگن.»
ایتیش کېره‌ک که سونگی ییللرده، افغانستان‌ده کتاب اۉقیش‌گه قیزیقیش‌لر آزه‌یگنی جدی بیر معماگه اَیله‌نگن.
